İsveç 65 yaşdan yuxarı insanlar üçün “AstraZeneca” vaksininin tətbiqini bərpa edir

26.03.2021 [13:50]
Çap et
A⁺ A^-

Stokholm, 26 mart, AZƏRTAC

İsveç 65 yaşdan yuxarı insanlar üçün “AstraZeneca” vaksininin tətbiqini bərpa edir.

AZƏRTAC İsveç KİV-lərinə istinadla xəbər verir ki, Krallığın İctimai Səhiyyə Agentliyi 65 yaşdan yuxarı insanlar üçün COVID-19 koronavirusuna qarşı “AstraZeneca” vaksinindən istifadənin bərpa olunması barədə qərar qəbul edib.

Beləliklə, İsveç Avropa İttifaqının müşahidə orqanının və Ümumdünya Səhiyyə Təşkilatının tövsiyələrinə uyğun olaraq bu vaksinin tətbiqini bərpa etmiş ölkələrdən biri oldu.

Keçən həftə Avropa dərman vasitələri agentliyi özünün apardığı araşdırmanın nəticələrini elan edib. Ekspertlər bu qənaətə gəliblər ki, “AstraZeneca” vaksini mühüm üstünlüklərə malikdir, bu vaksin təhlükəsiz və effektivdir.

Rauf Əliyev

AZƏRTAC-ın xüsusi müxbiri

Stokholm