İsveçdə Avropada ilk anod istehsalı zavodunun inşasına başlanılıb
Stokholm, 12 sentyabr, Nərgiz Cəfərli, AZƏRTAC
İsveçin Luleo şəhərində Avropada ilk olan “Talga” anod zavodunun inşasına başlanılıb.
AZƏRTAC İsveç KİV-ə istinadla xəbər verir ki, sentyabrın 12-də əmək bazarı və inteqrasiya məsələləri naziri Yuxan Person, Norrbotten əyalətinin qubernatoru Lotta Finstorp və “Talga” şirkətinin təsisçisi Mark Tompson zavodun təməlini qoyublar.
“Norrbotten əyalətinin yeraltı sərvətləri uzun müddət Avropa şəhərlərini faydalı qazıntılarla təmin edib. Yerin təkindən qrafit hasil etməklə, Norrbotten dünyanın digər yerlərinə də tədarükün həyata keçirilməsinin yeni erasına qədəm qoyur”, - Mark Tompson bildirib.
Qrafit hasilatına İsveçin şimalında yerləşən Kiruna şəhərində start veriləcək və ondan zavodda anod materialların istehsal edilməsində istifadə olunacaq.
Müəssisədə mühəndislər və operatorlar olmaqla, 80 mütəxəssis işləyəcək.
Bölmənin digər xəbərləri
