İsveçdə COVID-19 virusuna yoluxanların sayı artır
Stokholm, 21 oktyabr, Nərgiz Cəfərli, AZƏRTAC
İsveçdə COVID-19 virusuna təsdiqlənmiş yoluxma hallarının sayı ötən həftə ondan əvvəlki həftə ilə müqayisədə 38 faiz artıb.
AZƏRTAC xəbər verir ki, bunu Krallığın İctimai Səhiyyə Agentliyinin göstəriciləri sübut edir.
Hakimiyyət orqanları bəyan ediblər ki, yoluxmaların artması gözlənilən ssenariyə müvafiqdir, yalnız intensiv müalicə şöbələrinə daxil olan insanların sayındakı kiçik dəyişiklikdə və COVID-19 virusu nəticəsində ölüm hallarının sayında müşahidə olunur.
Risk qrupuna daxil olan 65 yaş və 65 yaşdan yuxarı, eləcə də 18 yaşdan yuxarı insanlara bu payız mövsümi peyvəndlənmə tövsiyə olunur.
“Nisbətən aşağı səviyyədə olmasına baxmayaraq, virusun yayılması artır. Ciddi xəstəliklər üzrə yüksək risk qrupuna daxil olan insanların qüvvədə olan tövsiyələrə müvafiq olaraq, həm COVID-19, həm də qripə qarşı peyvənd vurdurmaları vacibdir”, - deyə dövlət epidemioloqu Maqnus Qisslen bildirib.
Ümumilikdə, İsveçdə ötən həftə 5490 nəfər COVID-19 testindən keçib, 965 analizin nəticəsi müsbət olub.
Bölmənin digər xəbərləri
