İsveçdə su samurlarının yetişdirilməsi dayandırılıb
Stokholm, 29 aprel, Nərgiz Cəfərli, AZƏRTAC
İsveçdəki 27 su samuru fermasının hamısı fəaliyyətini dayandırmaq qərarına gəlib.
AZƏRTAC xəbər verir ki, fermerlər 2025-ci il iyunun 30-dək bu heyvanın yetişdirilməsini dayandıranlar üçün nəzərdə tutulmuş dövlət kompensasiyasını almaq məqsədilə müraciət ediblər.
Ümumi ödəniş məbləği 180 milyon İsveç kronu (təxminən 17 milyon ABŞ dolları) təşkil edəcək və bu vəsait damazlıq heyvanların sayına əsasən bölüşdürüləcək.
Bundan əvvəl İsveç hökuməti xəzdərili heyvanların yetişdirilməsinin qadağan olunması ilə bağlı araşdırmaya başlamışdı, lakin bu sahədə çalışanlar nəticələri gözləmədən fəaliyyətlərini müstəqil şəkildə dayandırmağa qərar verib.
“Svensk Mink” təşkilatının direktoru Yorqen Martinsonun sözlərinə görə, yeni fermaların yaradılması perspektivi mümkün görünmür.
Bu sahəyə aid təşkilatın özü də ləğv prosesindədir, lakin kompensasiya ödənişləri başa çatana qədər fəaliyyətini davam etdirəcək.
Bölmənin digər xəbərləri
