Dövlət Departamenti: İsrail və Livan arasında danışıqlarda irəliləyiş əldə olunub
Bakı, 3 iyun, AZƏRTAC
İsrail və Livan arasında münaqişənin həllinə yönəlmiş danışıqların dördüncü raundunda müəyyən irəliləyiş əldə olunub.
AZƏRTAC xəbər verir ki, bunu ABŞ Dövlət Departamentinin sözçüsü Tommi Piqot bildirib.
Vaşinqtonda keçirilən danışıqlardan sonra çıxış edən Piqot qeyd edib ki, tərəflər Livanın suverenliyinin bərpasına və İsrailin təhlükəsizliyinin təmin edilməsinə yönəlmiş hərtərəfli razılaşma istiqamətində siyasi və təhlükəsizlik məsələləri üzrə irəliləyiş əldə ediblər.
ABŞ Prezidenti Donald Tramp bazar ertəsi İsrail və Livanın “Hizbullah” arasında atəşkəs əldə olunduğunu açıqlayıb. Bununla belə, bir sıra media qurumları İsrail qüvvələrinin Livanın cənubuna zərbələri davam etdirdiyini bildirib.
Bölmənin digər xəbərləri
