İSVEÇRƏDƏ 5 TON SAXTA SAAT MƏHV EDİLMİŞDİR

11.08.2004 [22:24]
Çap et
A⁺ A^-

AZƏRTAC xəbər verir ki, Frans Press agentliyinin yaydığı məlumata görə, İsveçrədə, Sürix hava limanının gömrükxanasında ölkənin “Rolex”, “Cartier”, “Rado”, “Patek Philippe” kimi aparıcı markaları adı altında buraxılmış 100 minədək saxta saat müsadirə edilmişdir.

Ümumi kütləsi 5 tondan artıq olan saxta saatlar avqustun 11-də Fribur kantonunun Krissye şəhərinə məhv edilməyə göndərilmişdir.

İsveçrə Saat Federasiyasının (İSF) prezidenti demişdir ki, bunlar ölkə vasitəsilə tranzitlə aparılan saatlardır.

Ötən il İSF 400 min saxta İsveçrə saatından ibarət yükün izinə düşmüş və onun müsadirə edilməsinə nail olmuşdur. Bu saatlar Fars körfəzindəki ərəb ölkələrində satılmaq üçün nəzərdə tutulmuşdu.

İSVEÇRƏDƏ 5 TON SAXTA SAAT MƏHV EDİLMİŞDİR

MÜƏLLİFLƏ ƏLAQƏ

Bölmənin digər xəbərləri