İtaliya avrozonanın digər ölkələri üçün təhlükə yaradan böyük iqtisadi qeyri-sabitliklə üz-üzədir
Roma, 28 fevral, AZƏRTAC
İtaliya böyük iqtisadi qeyri-sabitlik yaşayır. Yüksək dövlət borcu, zəif məhsuldarlıq dinamikası hələ də qeyri-işlək kreditlərin və işsizliyin yüksək səviyyəsi fonunda trans-sərhəd əhəmiyyətli təhlükələrin olduğunu deməyə əsas verir.
AZƏRTAC ANSA agentliyinə istinadla xəbər verir ki, bu barədə Avropa Komissiyasının İtaliyaya dair hesabatında deyilir. Bildirilir ki, yaxın illərdə İtaliyanın dövlət borcunun azalması gözlənilmir. Belə ki, hökumətin 2019-cu il üçün ilkin planları ilə müqayisədə məhdud olan zəif makroiqtisadi perspektivlər və onun cari büdcə planı əsas profisitin pisləşməsi ilə nəticələnəcək.
Asiman Əsədov
AZƏRTAC-ın xüsusi müxbiri
Roma
Bölmənin digər xəbərləri
