İtaliya müalicəyə ehtiyacı olan 60 fələstinlini qəbul edib
Roma, 5 fevral, AZƏRTAC
İtaliya azyaşlılar da daxil olmaqla, ağır yaralı və müalicəyə ehtiyacı olan 60 fələstinlini qəbul edib.
AZƏRTAC xəbər verir ki, göyərtəsində yaralı fələstinlilərin olduğu “Vulcano” gəmisi İtaliyanın La Speziya limanına yan alıb. Müalicəyə ehtiyacı olan fələstinlilər paytaxt Roma, eləcə də Milan, Genuya, Florensiya, Bolonya şəhərlərdəki xəstəxanalara yerləşdiriləcək. Onların 18-i uşaqlardır. Bəzilərinin çox ağır yaralandığı, lakin hamısının vəziyyətinin stabil olduğu və həyati təhlükəsinin olmadığı bildirilib.
Qarşılanma mərasimində iştirak edən İtaliya Baş nazirinin müavini, xarici işlər və beynəlxalq əməkdaşlıq naziri Antonio Tayani gəminin heyətinə təşəkkürünü bildirib, yaralıların hərtərəfli müayinəsi və müalicəsi üçün hökumət tərəfindən bütün lazımi tədbirlərin görüləcəyini deyib.
Roma
Bölmənin digər xəbərləri
