İtaliya Superkubokunun finalında “Milan” və “İnter” qarşılaşacaq
Bakı, 4 yanvar, AZƏRTAC
İtaliya Superkubokunun yarımfinal matçı keçirilib.
AZƏRTAC xəbər verir ki, Səudiyyə Ərəbistanında keçirilən matçda “Milan” “Yuventus” komandaları qarşılaşıb.
Oyun “Milan”ın 2:1 hesablı qələbəsi ilə yekunlaşıb. Əvvəlcə Kənan Yıldız 21-ci dəqiqədə “Yuventus”u önə çıxarıb. Kristian Pulişiç 71-ci dəqiqədə penaltidən vurduğu qolla hesaba tarazlıq gətirib. Yeddi dəqiqə sonra “Yuventus”un müdafiəçisi Federiko Qatti avtoqola imza ataraq komandasını məğlub duruma düşürüb. Beləliklə “Milan” finalda “Atalanta”nı məğlub edən (2:0) “İnter”lə oynayacaq. Görüş yanvarın 6-da baş tutacaq.
Bölmənin digər xəbərləri
