İTALİYADA SAXTA PUL İSTEHSALÇILARININ EMALATXANASI AŞKAR EDİLMİŞDİR
AZƏRTAC-ın xüsusi müxbiri Berlində çıxan qəzetlərin rəsmi məlumatına istinadla xəbər verir ki, İtaliyada qəlp avro əskinasları hazırlayan cinayətkar dəstənin izinə düşən polis ölkənin Caserta əyalətində ən müasir çap maşınları və mexanizmləri ilə təchiz olunmuş böyük emalatxana aşkar etmişdir. Cinayət başında yaxalanan "avro istehsalçılarına" məxsus gizli seyflərdən 30 milyon qəlp, lakin məharətlə hazırlanmış əskinaslar aşkar edilmişdir. Cinayətkar dəstənin üzvləri həbs olunmuşlar.
Ələ keçən saxta pulların hamısı 50-lik avro əskinaslarıdır. Axtarış əməliyyatlarında istirak edən bank mütəxəssislərinin etirafına görə, cinayətkar dəstənin "istehsalı" olan əskinaslar elə ustalıqla hazırlanmışdır ki, maliyyə ekspertləri də onları əslindən ayırmaqda belə tərəddüd etmişlər.
Bölmənin digər xəbərləri
