İtaliyanın ANSA agentliyi 13 il ərzində dünyanın bütün kütləvi infarmasiya vasitələrinə yalan məlumatlar vermiş fırıldağçını ifşa etmişdir. ANSA-nın Tiranadaki (Albanıya) müxbiri Karlo Bollino xəbər verir ki, fırıldağçı 30 yaşlı italiyalı Pyetro Dzannoni imiş. Bu adam ANSA-nın müxbirinə hər şeyi etiraf etmişdir.

Avropa kütləvi informasiya vasitələrinin çoxu Haaqa tribunalı tərəfindən axtarışda olan Bosniya generalı Ratko Mladiçin vəfat etməsi və Serbiyanın keçmiş lideri Radovan Karaciçin həbs olunması barədə Dzannoninin “sensasiyalı” məlumatlarını yaymışdır. Bu fırıldaqçı Kosovanın mötədil albanlarının lideri İbrahim Ruqovanın mətbuat xidmətinin adından və onun imzası ilə guya alban yaraqlılarının Hüsəma ben Ladenlə əlaqələrini “ifşa edən” bir sıra yazılar dərc etdirmişdir. Təkcə İtaliyanın on yeddi qəzetində Yuqoslaviyanın sabiq prezidenti Slobodan Miloşeviçin Haaqa həbsxanasından verdiyi müsahibə dərc edilmiş və müxtəlif kütləvi informasiya vasitələri , o cümlədən İTAR-TASS ağentliyi tərəfindən yayılmışdır. İtaliyanın keçmiş xarici işlər naziri Lamberto Dini ilə Miloşeviçin “bu yaxınlarda telefon söhbəti” haqqında 2002-ci il fevralın 19-da “Tempo” qəzetində dərc edilmiş yazı Dzannoninin sonuncu “sensasiyası” olmuşdur.

İTAR-TASS-ın müxbiri fırıldaqçını ifşa etmiş jurnalistlə əlaqə saxlayaraq, ətraflı məlumat verməsini xahiş etmişdir. Karlo Bollino demişdir: “Mən Dzannoninin nə işlə məşğul olduğunu çoxdan bilirdim, hamını ehtiyatlı olmağa çağırırdım. Lakin çoxları mənə inanmırdı. Hətta işlədiyim ANSA agentliyi də onun yalan məlumatlarını yayırdı. Mənə elə gəlir ki, Dzannoni bu işdən heç vaxt əl çəkməyəcəkdir”.