İtaliyanın sabiq Prezidenti Corcio Napolitanonun səhhəti pisləşib
Roma, 20 sentyabr, AZƏRTAC
İtaliyanın 11-ci Prezidenti Corcio Napolitanonun səhhəti pisləşib.
AZƏRTAC xəbər verir ki, sabiq Prezidentin vəziyyətinin ağır olduğu bildirilib. Bir müddətdir Romadakı klinikada müalicəsi davam edən Corcio Napolitanonun vəziyyəti son bir neçə saat ərzində daha da mürəkkəbləşib.
Xatırladaq ki, iyunun 29-da sabiq dövlət başçısının 98 yaşı olub. O, 2022-ci il mayın 21-də Romadakı “Spallanzani” xəstəxanasında qarnından əməliyyat olunub və doqquz gün xəstəxanada qalıb.
Corcio Napolitano İtaliya tarixində iki dəfə prezident seçilən yeganə dövlət başçısıdır. O, ilk dəfə 2006-cı ildə, ikinci dəfə isə 2013-cü ildə prezident olub. C.Napolitano 7 illik səlahiyyət müddətini başa vurmadan 2015-ci ildə istefa verib və onun yerinə hazırkı Prezident Sercio Mattarella seçilib.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
