İXRAC ƏMƏLİYYATLARININ HƏCMİ ARTMIŞDIR
Dövlət Gömrük Komitəsindən AZƏRTAC-a bildirmişlər ki, cari ilin 4 ayı ərzində respublikanın rezident və qeyri-rezidentləri tərəfindən 116 ölkə ilə aparılmış ticarət əməliyyatlarının həcmi 2645015,3 min ABŞ dolları olmuşdur. Həmin müddətdə 1383 adda 1386712,4 min dollarlıq mal ixrac, 4391 adda 1258302,9 min dollarlıq mal isə idxal edilmişdir.
İxrac əməliyyatlarının həcmi ötən ilin eyni dövrü ilə müqayisədə 72,86 faiz artmış, idxalın həcmi isə 12,73 faiz azalmışdır. Azalmanın səbəbi avadanlığın, texniki qurğuların və onların hissələrinin, qara metaldan hazırlanmış məmulatların, şəkərin və ət məhsullarının respublikaya az gətirilməsidir.
Bölmənin digər xəbərləri
