İxraca göndərilən neft məhsullarının həcmi artıb
Bakı, 19 oktyabr, AZƏRTAC
Yanvar-sentyabr aylarında ölkədən 751 min tondan çox xam məhsullardan başqa, bitumlu süxurlardan alınmış neft və neft məhsulları - tərkibində neft və ya neft məhsullarının miqdarı 70 kütlə faiz və ya daha artıq olan məhsullar ixrac edilib. İxrac olunan məhsulların dəyəri isə 459 milyon ABŞ dollarından çoxdur.
Bu barədə AZƏRTAC-a Dövlət Gömrük Komitəsindən (DGK) bildirilib.
Xatırladaq ki, ötən ilin müvafiq aylarında Azərbaycandan 515,5 min ton neft məhsulları ixrac edilib, həmin ixracın dəyəri 342,1 milyon dollar olub.
Bölmənin digər xəbərləri
