Kamran Əliyev: Təəssüf ki, Ermənistan bizə kütləvi məzarlıqlar barədə məlumatları vermir
Bakı, 15 sentyabr, AZƏRTAC
Bizim problemli məsələlərdən biri də Birinci Qarabağ müharibəsində itkin düşmüş soydaşlarımızın tapıntıları ilə bağlıdır. Bu istiqamətdə bütün dövlət qurumları tərəfindən işlər gedir. Hazırda qazıntı, tikinti işləri aparıldıqca tapıntılar aşkar olunur, dərhal ekspertizaya göndərilir. Prokurorluq orqanları tərəfindən bunlar hamısı rəsmiləşdirilir, DNK nümunələri götürülür və ekspertizalar aparılır.
AZƏRTAC xəbər verir ki, bu sözləri jurnalistlərə müsahibəsində Azərbaycan Respublikasının Baş prokuroru Kamran Əliyev deyib.
Bildirib ki, bütün şəxsiyyətlərin müəyyənləşməsi ilə bağlı işlərimiz davam edir. Təəssüf ki, Ermənistan bizə kütləvi məzarlıqlar barədə məlumatları, xəritələri vermir. Verilən xəritələrin əksəriyyəti reallığa uyğun deyildi. Amma biz bu istiqamətdə fəaliyyətimizi davam etdirəcəyik.
Bölmənin digər xəbərləri
