KANADA HƏRBİ GƏMİSİ NARKOTİK MADDƏLƏR YÜKLƏNMİŞ ŞXUNANI BATIRMIŞDIR
Kanadanın hərbi gəmisi Ərəbistan dənizinin şimal hissəsində qeyri-qanuni narkotik maddələr yüklənmiş kiçik bir gəmini batırmışdır. Taxta gəminin anbarında içərisində həşiş və yaxud tiryək olan 90 kisə aşkar edilmişdir. “Qara bazar” qiymətlərinə görə bu qaçaqmalın ümumi dəyəri təxminən 70 milyon dollar təşkil edir.
Hər birinin çəkisi 23 kq olan kisələrin üstündə “Əfqanıstana azadlıq” sözləri yazılmışdı. Kanadanın “Toronto” gəmisi yaxınlaşan kimi şxunanı idarə edən iki nəfər gəmidən düşüb sürətli motorlu qayığa oturmuşlar. Şxunada yoxlama aparıldıqdan sonra o, “Toronto” gəmisinin toplarından atəşə tutulmuşdur. Şxuna ABŞ hərbi dəniz qüvvələri komandanlığın əmri ilə batırılmışdır.
İTAR-TASS-ın verdiyi xəbərə görə, hazırda Ərəbistan dənizində Kanadanın 5 hərbi gəmisi vardır. Onlar “Apollon” əməliyyatı çərçivəsində antiterror koalisiyası qüvvələrinə yardım göstərir.
Bölmənin digər xəbərləri
