Kanadanın Baş naziri: ABŞ ilə əvvəlki münasibətlər dövrü başa çatıb
Bakı, 29 aprel, AZƏRTAC
II Dünya müharibəsindən bəri Kanada ilə ABŞ arasında mövcud olan qarşılıqlı faydalı münasibətlər dövrü başa çatıb.
AZƏRTAC “Associated Press” agentliyinə xəbər verir ki, bunu Kanadanın Baş naziri Mark Karni parlament seçkilərində qalib gəldikdən sonrakı çıxışında deyib.
“ABŞ-ın xəyanətinin dərslərini heç vaxt unutmamalıyıq. Prezident Donald Tramp Kanadanı ələ keçirmək üçün bizi sındırmağa çalışır. Bu, heç vaxt baş verməyəcək!”, - deyə Mark Karni bildirib.
Kanadanın öz vətəndaşlarının rifahını Birləşmiş Ştatlar olmadan da təmin edə biləcəyini vurğulayan Baş nazir ölkə iqtisadiyyatının Vaşinqtondan asılılığını azaltmağı vəd edib.
Bir müddət öncə Mark Karninin rəhbərlik etdiyi Liberal partiyası parlament seçkilərində qalib gələrək hökuməti formalaşdırmaq üçün kifayət qədər yer qazanıb. Müxalif Mühafizəkarlar Partiyasının lideri Pyer Pualevr məğlubiyyətini etiraf edib.
Bölmənin digər xəbərləri
