KAPİTAL BAZARININ İNKİŞAFI VƏ TƏNZİMLƏNMƏSİ MÖVZUSUNDA BEYNƏLXALQ SEMİNAR ÖZ İŞİNƏ BAŞLAMIŞDIR
“Avropa” mehmanxanasının konfrans salonunda açılmış seminar İsveçrə hökuməti və BVF tərəfindən təşkil olunmuşdur.
AZƏRTAC-ın müxbiri xəbər verir ki, seminarın ilk günü layihənin milli əlaqələndiriciləri “dəyirmi masa” ətrafında çıxışlar etmişlər. BVF-nin məsləhətçisi, Dövlət borcunun idarə olunması üzrə Regional Texniki Yardım layihəsinin əlaqələndiricisi Qulam Azərbaycani, respublika maliyyə nazirinin birinci müavini İlqar Fətizadə, BMT-nin baş katibinin köməkçisi, UNITAR-ın icraçı direktoru Marselo Boysard, Meksikanın Anaxuak Universitetinin professoru, UNITAR-ın əməkdaşı Luis Fonserada və başqaları kapital bazarının inkişafında mühüm əhəmiyyət kəsb edən sərmayə fəaliyyəti, biznesin modernləşməsi, beynəlxalq və daxili bazarın infrastrukturu və genişlənməsi, dövlət borcunun idarə olunması, Mərkəzi Asiya respublikalarında və Azərbaycanda kapital bazarlarının xüsusiyyətləri, MDB dövlətlərində maliyyə problemləri, bu sahədə beynəlxalq təcrübənin həyata keçirilməsi məsələlərindən danışmışlar.
Seminar aprelin 23-dək davam edəcəkdir.
Bölmənin digər xəbərləri
