Karantin rejimindən ehtiyatlanan britaniyalılar Fransa və Niderlanddan geri qayıtmağa tələsirlər
Bakı, 14 avqust, AZƏRTAC
Fransa, Niderland və Maltada istirahət edən minlərlə britaniyalı iki həftəlik karantin rejimindən yayınmaq üçün təcili surətdə vətənlərinə qayıtmağa çalışır.
AZƏRTAC xarici KİV-lərə istinadla xəbər verir ki, avqustun 15-də yerli vaxtla saat 04:00-dan etibarən Fransa, Niderland, Malta və Monakodan, Terks və Kaykos adalarından, həmçinin Niderland Krallığının tərkibinə daxil olan Aruba ərazisindən Böyük Britaniyaya daxil olan şəxslər iki həftəlik məcburi karantin rejiminə məruz qalacaqlar.
Bu səbəbdən Fransadan krallığa gedən qatarlarda boş yer tapmaq çətinləşib, Avropa tunelini avtomobillə keçmək üçün biletlər qurtarıb.
Avqustun 14-də Parisdən Londona birbaşa reys üçün aviabiletin qiyməti 66 funt-sterlinqdən 454 funt-sterlinqə, Amsterdamdan 129 funt-sterlinqdən 327 funt-sterlinqə, Maltadan isə 78 funt-sterlinqdən 252 funt-sterlinqə qədər bahalaşıb.
Bölmənin digər xəbərləri
