“KARVAN -L” ŞİRKƏTİ ABŞ-DAN SİFARİŞ ALMIŞDIR
“Karvan-L” şirkəti ABŞ-ın tikinti materialları, o cümlədən boya istehsalı üzrə ixtisaslaşmış nüfuzlu “OMJ” firmasının sifarişini yerinə yetirməyə başlamışdır. Şirkətin rəhbəri Əbülfəz Qafarov AZƏRTAC-a bildirmişdir ki, həmin firma 600 ton boya quruducusu - yəni naftenat-sink və naftenat-kobalt göndərməyi xahiş edir. Bu kimyəvi məhsullardan müəyyən reagentlərin alınmasında da xammal kimi istifadə olunur. Sifarişçinin təklif etdiyi qiymət dünya bazarındakı satınalma məzənnəsi ilə müqayisədə aşağı olsa da, biz bu sövdələşməyə razılıq vermişik. Bunu Azərbaycanı, eləcə də şirkətimizi daha geniş miqyasda tanıtmaq və xarici ölkələrdəki sifarişçilərimizin sayını artırmaq məqsədi ilə etmişik.
Bölmənin digər xəbərləri
