Kataliz və Qeyri-üzvi Kimya İnstitutunun magistrantları onlayn sınaq dərsləri keçirlər
Bakı, 19 may, AZƏRTAC
Koronavirus pandemiyası ilə əlaqədar karantin rejiminin tələblərinə uyğun olaraq AMEA-nın Kataliz və Qeyri-üzvi Kimya İnstitutunda təhsil alan magistrantların dərsləri onlayn davam etdirilir.
İnstitutdan AZƏRTAC-a bildirilib ki, kimyəvi kinetika və kataliz, qeyri-üzvi kimya, yüksəkmolekullu birləşmələr kimyası ixtisaslarında təhsil alan I kurs magistrantlara tədris planında nəzərdə tutulan fənləri kimya üzrə elmlər doktorları, professorlar Arif Əfəndi və Asif Məmmədov, kimya üzrə fəlsəfə doktorları, dosentlər Lətifə Həsənova, və Samirə Məmmədova onlayn rejimdə keçiblər.
Elmi müəssisədə təhsil alan II kurs magistrantlar da elmi-pedaqoji təcrübə çərçivəsində onlayn dərslərə qoşulur, tədris prosesində fəal iştirak edirlər. Onlar sınaq dərslərini onlayn keçir və dissertasiyaların müdafiəsinə hazırlaşırlar.
Bölmənin digər xəbərləri
