Keçən ay 2,1 milyard kilovat/saat əmtəəlik elektrik enerjisi istehsal olunub
Bakı, 18 fevral, AZƏRTAC
Ötən ay Azərbaycanda 2 milyard 225,4 milyon kilovat/saat elektrik enerjisi istehsal edilib. Ondan əmtəəlik 2 milyard 154,3 milyon kilovat/saat elektrik enerjisi alınıb. Bu göstərici 2020-ci ilin müvafiq ayı ilə müqayisədə 1,6 faiz çox olub.
AZƏRTAC Dövlət Statistika Komitəsinin məlumatlarına istinadla xəbər verir ki, həmin həcmin 2 milyard 68,3 milyon kilovat/saatı istilik, 75 milyon kilovat/saatı su, 2 milyon kilovat/saatı günəş, 9 milyon kilovat/saatı isə külək elektrik stansiyalarında istehsal olunub.
Bölmənin digər xəbərləri
