Kelloq: ABŞ Ukraynadakı münaqişənin həllinə çox yaxındır
Bakı, 23 noyabr, AZƏRTAC
Birləşmiş Ştatlar Ukraynadakı münaqişənin sülh yolu ilə həllinə çox yaxındır.
AZƏRTAC xəbər verir ki, bu barədə ABŞ Prezidentinin xüsusi nümayəndəsi Keyt Kelloq “Fox News”a müsahibəsində deyib: “Hər zaman deyirik ki, hədəfə aparan son 10 metr ən çətin hissədir. Artıq iki metr qalmışıq, demək olar ki, oradayıq”.
Kelloq əlavə edib ki, ABŞ administrasiyasının təklif etdiyi sülh planı üzərində iş davam edir. “28 bənddən ibarət sülh planı təklif olunub və onun üzərində iş gedir. Yekun nəticənin əldə edilməsi üçün danışıqlar davam edəcək. İnanıram ki, buna nail olmaq şansımız var”, – deyə o bildirib.
Bölmənin digər xəbərləri
