Kənd Təsərrüfatı Nazirliyi fermer və sahibkarlar üçün təlimlər keçirib
Bakı, 21 may, AZƏRTAC
Mayın 21-də Füzuli və Beyləqan rayonlarında Kənd Təsərrüfatı Nazirliyinin mütəxəssisləri tərəfindən fermerlərin iştirakı ilə pambığın becərilməsi, aqrotexniki qulluq məqsədilə müxtəlif texnikalardan istifadə, zərərvericilərlə mübarizə tədbirlərinin aparılması, müxtəlif tərkibli pestisidlərdən istifadə qaydasının öyrədilməsi məqsədilə sahə nümayişi və təlimlər keçirilib.
Nazirlikdən AZƏRTAC-a bildiriblər ki, sahə nümayişlərində müxtəlif texniki vasitələrin istifadə qaydaları, onların tənzimlənməsi mexanizatorlar tərəfindən əyani şəkildə göstərilib.
Təlimlərdə fermerlərlə geniş müzakirələr aparılıb və onların sualları ətraflı şəkildə cavablandırılıb.
Bölmənin digər xəbərləri
