KƏNDDƏ İPLİK FABRİK TİKİLMİŞDİR
Respublikanın əsas pambıqçılıq bölgələrindən olan Saatlı rayonunun Əlisoltanlı kəndində inşa olunan iplik fabrikində tikinti-quraşdırma işləri başa çatır.
AZƏRTAC xəbər verir ki, “AQRO” MMC-nin struktur bölməsi olan fabrikin tikintisinə regionların sosial-iqtisadi Dövlət proqramına müvafiq olaraq iki il əvvəl başlanmışdır. Almaniyalı mütəxəssislər müasir dəzgahlarda və texnoloji xətlərdə buraxılış-sazlama işlərini başa çatdırmış, türkiyəli mütəxəssislər isə havatəmizləmə və işıqlandırma sistemlərini quraşdırmışlar. Hazırda müəssisənin ərazisində abadlıq və yaşıllaşdırma işləri görülür, giriş yolları çəkilir.
Rayon icra hakimiyyətindən bildirmişlər ki, ilk vaxtlar fabrikdə 300 adam çalışacaq, müəssisə tam gücü ilə işləməyə başladıqdan sonra isə işçilərin sayı 800-900 nəfərə çatacaqdır. Əlisoltanlı kəndinin qadınları bu yerlər üçün yeni olan əyirici peşəsinə həvəslə yiyələnirlər.
Bölmənin digər xəbərləri
