“Kəpəz” komandası “Səbail” üzərində minimal hesablı qələbə qazanıb
Bakı, 3 mart, AZƏRTAC
Martın 3-də “Kəpəz”-“Səbail” matçı ilə futbol üzrə Azərbaycan Premyer Liqasının XVIII turuna start verilib.
AZƏRTAC xəbər verir ki, baş hakim İnqilab Məmmədovun idarə etdiyi matçda “Kəpəz” klubu minimal hesablı qələbə qazanıb.
Matçın 23-cü dəqiqəsində Dario Junior 11 metrlik cərimə zərbəsindən vurduğu qolla “Kəpəzi”i hesabda önə çıxarıb. Qarşılaşmanın 30-cu dəqiqəsində Eugeniyu Kokiusun qolu hesabda tarazlıq yaradıb - 1:1 .
Birinci hissə bu hesabla başa çatıb.
Qarşılaşmanın 49-cu dəqiqəsində “Kəpəz” ikinci topu qonaqların qapısından keçirib. Tarzin Cahangirov adını tabloya yazdırıb - 2:1.
Beləliklə, görüş “Kəpəz”in 2:1 hesablı qələbəsi ilə başa çatıb.
Bu qələbədən sonra “Kəpəz” 10 xalla səkkizinci, “Səbail” isə 17 xalla turnir cədvəlinin altıncı pilləsində qərarlaşıb.
Bölmənin digər xəbərləri
