MƏDƏNİYYƏT
“Kəpəz” nəşriyyat evinin uğurları
Paris, 5 noyabr, AZƏRTAC
Nəriman Nərimanovun 1896-cı ildə nəşr edilmiş “Bahadır və Sona” əsərini son ildə fransız dilində nəşr edilən ilk Azərbaycan romanı hesab etmək olar.
AZƏRTAC xəbər verir ki, bu fikir “cecile.ch-baudry.com” saytının ədəbiyyat və roman bloqunda Strasburqda fəaliyyət göstərən “Kəpəz” nəşriyyat evi ilə bağlı yazıda yer alıb.
Yazıda müəllif Nəriman Nərimanov və onun romanı haqqında ətraflı məlumat verib. “Kəpəz” nəşriyyat evinin tərcümə nəşrlərinin maraqlı olması ilə bağlı oxucular məlumatlandırılıb. Nəşriyyatın gənc olmasına baxmayaraq, artıq nəşrlərinin uğurlu olduğu vurğulanıb.
Sonda müəllif nəşriyyatın dərc etdiyi Hüseyn Abbaszadənin “Hardansınız, Müsyo Abel?” kitabını oxuduğunu bildirərək, Azərbaycan yazıçılarının əsərlərinin maraqlı olmasını diqqətə çatdırıb.
Şəhla Ağalarova
AZƏRTAC-ın xüsusi müxbiri
Paris