Keyt Middlton müalicədən sonra rəsmi vəzifəsinə qayıdıb
London, 18 sentyabr, AZƏRTAC
Uels Şahzadəsi Keyt Middlton bu ilin əvvəlində xərçəng müalicəsinə başladıqdan sonra ilk rəsmi iş görüşünü keçirib.
AZƏRTAC xəbər verir ki, şahzadənin ictimai həyata qayıdışında növbəti kiçik addım onun dünən Vindsor Qəsrində keçirdiyi iş görüşü olub.
Qeyd edək ki, ötən həftə Keyt Middlton kimyaterapiya müalicəsini başa vurduğunu açıqlayıb. Şahzadə bildirib ki, bu il onun üçün son dərəcə çətin keçib. O, diqqətini xərçəngdən qorunmağa yönəldəcəyini demişdi.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
