Kipr İsrail futbol klublarının adada oyun keçirməsinə razılıq verməyib
Bakı, 20 noyabr, AZƏRTAC
Kiprin hakimiyyət orqanları İsrailin “Makkabi Təl-Əviv” və “Makkabi Hayfa” klublarının iştirakı ilə adada Avropa Liqası çərçivəsində oyunlar keçirilməsinə təhlükəsizlik baxımından icazə verməyib.
AZƏRTAC xəbər verir ki, Kipr Dövlət Teleradio Korporasiyası bu barədə respublikanın ədliyyə və ictimai asayiş naziri Anna Kukidis-Prokopiuya istinadla məlumat yayıb.
“Dövlət üçün ilk yerdə vətəndaşların təhlükəsizlik məsələsi durur. Əldə edilən bütün məlumatları nəzərə alaraq, İsrail komandalarının iştirakı ilə futbol oyunlarının keçirilməsinə dair müraciətlər yerinə yetirilə bilməz”, - deyə nazir bildirib. Onun sözlərinə görə, Kipr polisi Yaxın Şərqdə yaranmış vəziyyətlə bağlı yüksək təhlükəsizlik tədbirləri görür.
Bölmənin digər xəbərləri
