KİPR MƏSƏLƏSİ İLƏ BAĞLI SEMİNAR KEÇİRİLMİŞDİR
AZƏRTAC-ın müxbiri xəbər verir ki, universitetin prorektoru Niftalı Qocayev 2003-2004-cü tədris ili üçün seminarlar proqramı çərçivəsində keçirilən tədbiri açaraq mövzunun əhəmiyyətindən danışmışdır.
Şimali Kipr Türk Cümhuriyyətinin Bakı təmsilçisi Mustafa Evran məruzə ilə çıxış edərək Kipr adasının və orada yaşayan Anadolu türklərinin tarixi, idarəçilik sistemi haqqında ətraflı məlumat vermiş, 1570-ci ildən başlayaraq 300 il Osmanlı imperiyasının tabeliyində olmuş adanın sonrakı taleyindən tarixi faktlarla söhbət açmışdır.
Hazırda Kiprdə gedən ictimai-siyasi proseslərdən, beynəlxalq təşkilatların bu proseslərə münasibətindən danışan natiq, müstəqillik əldə etdikdən sonra Şimali Kipr Türk Cümhuriyyətinin problemlərini diqqətə çatdırmış və onların beynəlxalq hüquq normaları çərçivəsində ədalətlə həll edilməsinin vacibliyini vurğulamışdır.
Sonra Mustafa Evran tədbir iştirakçılarını maraqlandıran çoxsaylı suallara cavab vermişdir.
Bölmənin digər xəbərləri
