Kir Starmer Britaniyanın Baş naziri kimi ilk xarici səfərini edəcək
London, 9 iyul, AZƏRTAC
İyulun 5-də Britaniyanın yeni Baş naziri seçilən Kir Starmer ilk xarici səfəri üçün Vaşinqtona səfər edəcək.
AZƏRTAC xəbər verir ki, o, Vaşinqtonda keçiriləcək NATO-nun 75-ci yubiley sammitində iştirak edəcək. Kir Starmer sammit çərçivəsində Britaniyanın Qərb hərbi alyansına və Ukraynaya davamlı dəstəyini bir daha təsdiqləyəcək. Baş nazir Ağ evdə Prezident Co Bayden ilə də görüşəcək.
Sammitin rəsmi tədbirləri iyulun 10-da səhər saatlarında başlayacaq, sonuncu mətbuat konfransları isə iyulun 11-də günortadan sonra keçiriləcək.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
