Kiril Qaburiç: İtkin düşmüş şəxslərlə bağlı məsələyə qlobal səviyyədə kifayət qədər diqqət yetirilmir
Bakı, 18 sentyabr, AZƏRTAC
Bu gün müzakirə etdiyimiz məsələyə qlobal səviyyədə kifayət qədər diqqət yetirilmir və ona görə də düşünürəm ki, bu mövzuların müzakirə dairəsi genişlənməlidir.
AZƏRTAC xəbər verir ki, bu sözləri “İtkin düşmüş şəxslərin taleyinin aydınlaşdırılması üçün milli və beynəlxalq səylərin artırılması” mövzusunda keçirilən beynəlxalq konfransda Moldovanın sabiq Baş naziri Kiril Qaburiç deyib.
“Müharibə şəraitində olan bütün ölkələrdə itkin düşənlərin sayının çox olması ilə bağlı oxşar vəziyyəti görürük. Bu gün öz ölkəmi, yəni Moldovanı götürsək, illər əvvəl biz də vəziyyətin hələ də həll olunmadığı Dnestryanı bölgədə hərbi münaqişənin şahidi olmuşuq. Bizdə də həmin hərbi münaqişədə itkin düşənlər olub. Bu gün biz Rusiya və Ukrayna müharibəsinin şahidi oluruq. Həmin ərazidə itkin düşənlərin sayı isə iyirmi beş minə çatır və bu rəqəm hər gün artmaqdadır. Dörd minə yaxın Azərbaycan vətəndaşı da itkin düşmüş şəxs kimi qeydiyyata alınıb”, - deyə o vurğulayıb.
Bölmənin digər xəbərləri
