KİŞİLƏRDƏN İBARƏT ŞAHMAT KOMANDAMIZ AVROPA ÇEMPİONATINDA 3-CÜ QƏLƏBƏSİNİ QAZANMIŞDIR
AZƏRTAC xəbər verir ki, Yunanıstanda keçirilən şahmat üzrə Avropa çempionatında kişilərdən ibarət Azərbaycan yığma komandası 3-cü turun yekunlarına görə liderlər sırasına yüksəlmişdir.
Bu turda şahmatçılarımız Danimarka komandasına 2,5:1,5 hesabı ilə qalib gəlmişlər. Bu, azərbaycanlı şahmatçıların çempionatda ardıcıl üçüncü qələbəsidir. Üç turdan sonra Azərbaycan komandası 1-4-cü yerləri bölüşdürür. Əlavə göstəricilərə görə isə milli komandamız turnir cədvəlinin 2-ci pilləsində qərarlaşmışdır.
Qadın şahmatçılarımız isə Yunanıstan yığması ilə görüşdə 1:3 hesabı ilə uduzmuşlar. Bu məğlubiyyətdən sonra bir qədər də geriləyən Azərbaycan komandası 19-22-ci yerləri bölüşdürür.
Bölmənin digər xəbərləri
