Kişineuda dahi Azərbaycan şairi və mütəfəkkiri Nizami Gəncəvinin barelyefi açılacaq
Kişineu, 30 mart, AZƏRTAC
Moldovanın Kişineu şəhərində dahi Azərbaycan şairi və mütəfəkkiri Nizami Gəncəvinin xatirə barelyefi açılacaq.
Azərbaycanın Moldovadakı səfirliyindən AZƏRTAC-a bildiriblər ki, barelyefin quraşdırılması üçün Kişineu meriyası arasında razılaşma məsələləri artıq yekunlaşır. Dahi şairin xatirə barelyefi mərmərdən hazırlanıb və yaxın zamanda səfirliyin binasının küçə hissəsindəki divarda quraşdırılacaq.
Qeyd edək ki, bu il dahi şair və mütəfəkkir Nizami Gəncəvinin anadan olmasının 880 illiyi tamam olur. Bununla bağlı, Azərbaycan Prezidenti İlham Əliyev Azərbaycan Respublikasında 2021-ci ilin “Nizami Gəncəvi İli” elan edilməsi haqqında Sərəncam imzalayıb.
Emil Hüseynli
AZƏRTAC-ın xüsusi müxbiri
Kişineu
Bölmənin digər xəbərləri
