KİV: Şahzadə Keyt Middltonun səhhəti yaxşılaşır
London, 30 may, AZƏRTAC
ABŞ-ın nüfuzlu “Vanity Fair” jurnalı hazırda xərçənglə mübarizə aparan Uels Şahzadəsi Keyt Middltonun səhhətinin yaxşılaşdığını yazıb.
AZƏRTAC xəbər verir ki, bu barədə şahzadəyə yaxın mənbələr jurnala açıqlama verib. Qeyd edilib ki, profilaktik kimyaterapiya kursundan keçən Keyt Middlton son həftələrdə müalicəsində yeni bir mərhələ adlayıb və özünü daha yaxşı hiss edir.
Şahzadəyə yaxın mənbə onun çətin və narahat edici dövrdən keçdiyini desə də, əlavə edib ki, ailə üzvləri və Şahzadə Uilyam Keyt Middltona böyük dəstək nümayiş etdirirlər.
Qeyd edək ki, Keyt Middlton bu ilin martında xalqa video-müraciət edərək xərçəngə tutulduğunu açıqlamışdı.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
