Kiyev raketlərlə vurulub, ölənlər və xəsarət alanlar var VİDEO
Kiyev, 24 aprel, AZƏRTAC
Rusiya Ukraynanın paytaxtı Kiyev şəhərinə çoxkombinasiyalı hava hücumu edib.
AZƏRTAC-ın Ukraynadakı xüsusi müxbirinin verdiyi məlumata görə, aprelin 24-ə keçən gecə Kiyevə edilən dron və ballistik raket hücumları nəticəsində paytaxtın bir neçə ərazisində mülki infrastruktura ziyan dəyib.
Ukrayna Fövqəladə Hallar üzrə Dövlət Xidmətinin açıqladığı məlumata görə, hava hücumu nəticəsində 9 nəfər həlak olub, 63 nəfər xəsarət alıb, 6-sı uşaq olmaqla 42 nəfər xəstəxanaya yerləşdirilib.
Yaşayış binalarına ziyan dəyib, dağıntılar altında olan insanların axtarışı davam edir.
Hadisənin nəticələrinin aradan qaldırılması paytaxtın 5 rayonunda davam edir. Fövqəladə Hallar Dövlət Xidmətinin psixoloqları və kinoloqları ərazidə iş aparırlar.
Emil Hüseynli
Kiyev
Bölmənin digər xəbərləri
