KOBİA nümayəndələri Avstraliyada sahibkarlıqla məşğul olan iş adamları ilə görüşüb
Bakı, 23 sentyabr, AZƏRTAC
Avstraliyada işgüzar səfərdə olan Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Sidney şəhərində fəaliyyət göstərən Azərbaycan və Türkiyə iş adamları, eləcə də Müstəqil Sənayeçi və İş Adamları Dərnəyinin Sidney nümayəndəliyi ilə görüşüb.
KOBİA-dan AZƏRTAC-a bildirilib ki, tikinti, təhsil, qida və nəqliyyat-logistika sektorlarında çalışan iş adamları ilə xarici ölkədə biznes fəaliyyətinə, ticarət əlaqələrinə dair fikir mübadiləsi aparılıb. Eləcə də KOBİA-nın fəaliyyətinə, yerli və xarici iş adamları arasında birgə təşəbbüslərin reallaşdırılmasına Agentliyin dəstəyi barədə məlumat verilib.
Bölmənin digər xəbərləri
