KOFİ ANNAN ƏRƏB DÖVLƏTLƏRİ CƏMİYYƏTİNİN ZİRVƏ GÖRÜŞÜNDƏ İŞTİRAK EDƏCƏK
BMT-nin baş katibi Kofi Annan Ərəb Dövlətləri Cəmiyyətinin martın 27-28-nə nəzərdə tutulmuş zirvə görüşündə iştirak etmək üçün Livana gəlmişdir.
Beynəlxalq birliyin inzibati başçısının rəsmi nümayəndəsi Fred Ekhard bildirmişdir ki, BMT-nin baş katibi forumun iştirakçıları qarşısında çıxış edəcək, habelə bir sıra ikitərəfli danışıqlar aparacaqdır. O, Kofi Annanın Fələstin Milli Muxtariyyətinin başçısı Yasir Ərəfatla görüşüb-görüşməyəcəyi barədə suala cavabında demişdir ki, “əgər Fələstin lideri Beyruta gəlsə, görüş mütləq baş tutacaqdır”.
İTAR-TASS-ın verdiyi xəbərə görə, Kofi Annanın Livan paytaxtına səfərinin proqramında onun Yaxın Şərqdəki xüsusi nümayəndəsi Terye Red-Larsenlə, BMT baş katibinin Cənubi Livandakı nümayəndəsi Stefan de Mistura, BMT-nin bu ölkədəki nümayəndəliyinin əməkdaşları ilə görüşləri də nəzərdə tutulmuşdur.
Bölmənin digər xəbərləri
