KOLORADO KARTOF BÖCƏYİNƏ QARŞI MÜBARİZƏ GÜCLƏNDİRİLMİŞDİR
Bakı, 23 iyul (AZƏRTAC). Kənd Təsərrüfatı Nazirliyi yanında Dövlət Fitosanitar Nəzarəti Xidmətindən (DFNX) bildirmişlər ki, cari ilin ötən müddətində kartofçuluqla məşğul olan Şəmkir, Tovuz, Ağstafa, Qazax, Gədəbəy, Daşkəsən, Göygöl, Cəlilabad və s. rayonlarda karantin zərərvericisi olan Kolorado kartof böcəyinə qarşı mübarizə gücləndirilmişdir. İndiyədək 3990 hektar sahədə kimyəvi təmizləmə işi görülmüşdür və hazırda tədbirlər davam etdirilir.
Ötən ildə ümumilikdə kartofçuluqla məşğul olan rayonlarda bu zərərvericiyə qarşı 10600 hektar sahədə kimyəvi mübarizə aparılmışdır.
Bölmənin digər xəbərləri
