KOMPYUTER OYUNLARI CƏRRAHLARA KÖMƏK EDİR

27.05.2006 [12:41]
Çap et
A⁺ A^-

AZƏRTAC xəbər verir ki, Britaniyanın “Register” qəzetinin yazdığına görə, kompyuter oyunları həkimlərə dəqiq və səmərəli işləməkdə kömək edir. Nyu-Yorkdakı “Beth İsrael” tibb mərkəzinin ekspertləri məhz belə qənaətə gəlmişlər. Tədqiqatların nəticələrinə əsasən, kompyuter oyunları reaksiyanı yaxşılaşdırır və cərrahlara əməliyyatları sürətlə və az səhvlərlə aparmağa kömək edir.

Eksperimentdə 303 cərrah iştirak etmişdir. Könüllülərə 20 dəqiqə ərzində “Super Monkey Ball” oyunu oynamaq, sonra təlim məqsədi ilə laparoskopik əməliyyati keçirmək təklif olunmuşdur (bu əməliyyat zamanı daxili zədələrin müalicəsi üçün videokamera və nazik cərrah alətindən istifadə edilir).

Məlum olmuşdur ki, kompyuter oyunları ilə məşğul olan cərrahlar bu işin öhdəsindən həmkarlarına nisbətən orta hesabla 11 saniyə tez gəlmiş, səhvlərə az yol vermişlər.

KOMPYUTER OYUNLARI CƏRRAHLARA KÖMƏK EDİR

MÜƏLLİFLƏ ƏLAQƏ

Bölmənin digər xəbərləri