KOMPYUTER OYUNLARI ÜZRƏ MİLLİ ÇEMPİONATIN FİNAL MƏRHƏLƏSİ KEÇİRİLİR
AZƏRTAC xəbər verir ki, iyunun 15-də Bakı Biznes Mərkəzində 14-29 yaşlı yeniyetmə və gənclər arasında kompyuter oyunları üzrə milli çempionatın final mərhələsi start götürmüşdür. Yarış “FİFA Soccer 2007”, “Need for speed: Carbon”, “Half-Life Counter Strike” oyunları üzrə keçirilir və ikinci dəfədir ki, təşkil olunur. Məqsəd gənclər arasında yeni informasiya texnologiyalarının təbliği, kompyuter oyunlarının genişləndirilməsi, gənclərin asudə vaxtının səmərəli və mənalı təşkili üçün yeni üsulları tətbiq etməkdir.
İyunun 17-də başa çatacaq oyunların qalibi oktyabrda ABŞ-ın Sietl şəhərində dünya çempionatında mübarizə aparacaqdır.
Yarışda fərqlənmiş iştirakçılara Gəncər və İdman Nazirliyinin, çempionatın keçirilməsinə dəstək vermiş müxtəlif şirkətlərin qiymətli hədiyyələri təqdim olunacaqdır.
Bölmənin digər xəbərləri
