KONDOLİZA RAYS: AVROPA-AMERİKA MÜNASİBƏTLƏRİNDƏ YENİ SƏHİFƏ AÇILIR
Yaxın Şərq və Avropa ölkələrinə səfərə çıxmış ABŞ-ın yeni dövlət katibi Kondoliza Raysı fevralın 8-də Fransa Prezidenti Jak Şirak qəbul etmişdir.
Görüşdə İraqa hərbi müdaxilədən sonra Amerika ilə Fransa arasında yaranmış münasibətlər, əlaqələrin gələcək inkişafı barədə fikir mübadiləsi aparılmışdır.
Dövlət katibi səfəri çərçivəsində fransalı həmkarı Mişel Barnye ilə də görüşmüşdür.
Kondoliza Rays ölkənin Siyasi Məsələlər İnstitutunda transatlantik əlaqələr barədə çıxışında, yerli və xarici jurnalistlərə verdiyi müsahibələrdə Avropa-Amerika münasibətlərinə toxunmuş, ölkəsinin keçmiş narazılıqları unutduğunu və əlaqələrin yeni səhifəsini açmaq istədiyini qeyd etmişdir.
Dünyada sülhün, əmin-amanlığın bərqərar olması sahəsində ABŞ-ın apardığı siyasətdən bəhs etmiş dövlət katibi İraqda keçirilmiş seçkiləri bu ölkədə demokratik inkişafın təməli kimi səciyyələndirmiş,Türkiyənin Avropa Birliyinə qəbul edilməsinin siyasi əhəmiyyətini vurğulamışdır.
Fələstin-İsrail münasibətlərinə gəldikdə, K.Rays son günlər bu sahədə uğurlu addımlar atıldığını, Misir, Fələstin, İsrail və İordaniya rəhbərləri ilə keçirdiyi görüşlərdən razı qaldığını bildirmişdir.
Bölmənin digər xəbərləri
