Konsepsiya: Qayıdış prosesi əvvəlki məskunlaşma konfiqurasiyasını bərpa etməlidir
Bakı, 26 yanvar, AZƏRTAC
Qayıdış prosesi Qərbi azərbaycanlıların qovulmadan əvvəlki məskunlaşma konfiqurasiyasını bərpa etməlidir. Qovulmuş azərbaycanlıların qayıdış zamanı müxtəlif bəhanə və hüquqi fəndlərlə pərakəndə səpələnməsi cəhdləri irqçiliyin bir forması və reinteqrasiyaya maneə olan zərərli yanaşma kimi rədd ediləcək. Bu prinsipdən yayınma ancaq aidiyyəti şəxslərin sərbəst iradəsi və razılığı əsasında baş verə bilər.
AZƏRTAC xəbər verir ki, bu fikirlər Qərbi Azərbaycan İcmasının Qayıdış Konsepsiyasında öz əksini tapıb.
Konsepsiyada, həmçinin bildirilir ki, qayıdış prosesində qadınlar, uşaqlar və sosial baxımdan həssas əhali qrupundan olan insanların maraqları əsas prioritet kimi nəzərə alınacaq.
Qeyd edilir ki, “Qadınlar, sülh və təhlükəsizlik” yanaşması kimi mütərəqqi konsepsiya və standartlar bu prosesdə aparıcı yer tutacaq.
Bölmənin digər xəbərləri
