Konstitusiya Məhkəməsi Palatasının növbəti iclası keçirilib
Bakı, 10 dekabr, AZƏRTAC
Konstitusiya Məhkəməsi Palatasının növbəti iclası keçirilib.
Konstitusiya Məhkəməsinin mətbuat xidmətindən AZƏRTAC-a bildiriblər ki, iclasda Azərbaycan Respublikası Konstitusiyasının 130-cu maddəsinin IV hissəsinə və “Konstitusiya Məhkəməsi haqqında” Qanunun 7.1-ci maddəsinə əsasən, Azərbaycan Respublikası Cinayət Məcəlləsinin bəzi maddələrinin “Qeyd” hissəsində şəxsin cinayət məsuliyyətindən əməllərində başqa cinayət əməlinin tərkibi olmadığı halda azad edilməsini nəzərdə tutan müddəasının şərh edilməsinə dair Azərbaycan Respublikasının Baş Prokurorluğunun sorğusuna baxılaraq, Plenumun icraatına qəbul olunması haqqında qərardad qəbul edilib.
Sorğuya mahiyyəti üzrə, tərəflərin iştirakı ilə Konstitusiya Məhkəməsi Plenumunun 2025-ci il yanvarın 7-nə təyin edilmiş iclasında baxılacaq.
Bölmənin digər xəbərləri
