KONSTİTUSİYA MƏHKƏMƏSİ PLENUMUNUN NÖVBƏTİ İCLASI OLMUŞDUR
İclasda vətəndaş Xanlar İdris oğlu Qasımovun şikayəti üzrə məhkəmə aktlarının Azərbaycan Respublikasının Konstitusiyasına və qanunlarına uyğunluğunun yoxlanılmasına dair konstitusiya işinə baxılmışdır.
Konstitusiya Məhkəməsinin Plenumu iş üzrə hakim E.Məmmədovun məruzəsini, ərizəçi X.Qasımovun, onun nümayəndəsi A.Bağırovun, cavabverənin - Azərbaycan Respublikası Apellyasiya Məhkəməsinin nümayəndəsi N.Nəsibovun çıxışlarını və işin materiallarını müzakirə edərək qərar qəbul etmişdir.
Qərarda deyilir ki, iddiaçı L.Şıxlinskayanın cavabdehlər X.Qasımov və digərlərinə qarşı yaşayış hüququnun itirilmiş hesab edilməsi, mənzildən və evlərdən çıxarma və icarə müqavilələrinə xitam verilməsinə dair mülki iş üzrə Yasamal Rayon Məhkəməsinin 2005-ci il 23 may tarixli və Azərbaycan Respublikası Apellyasiya Məhkəməsinin 2005-ci il 6 sentyabr tarixli qətnamələri Azərbaycan Respublikası Konstitusiyasının 60-cı maddəsinə uyğun olmayan hesab edilsin və icra olunmasın. Həmin işə Azərbaycan Respublikasının mülki prosessual qanunvericiliyi ilə müəyyən edilmiş qaydada X.Qasımovun kassasiya şikayəti vermək hüququnun təmin olunması şərti ilə yenidən baxılsın.
Qərar elan olunduğu gündən qüvvəyə minir, qətidir, heç bir orqan və ya şəxs tərəfindən ləğv edilə, dəyişdirilə, yaxud rəsmi təfsir edilə edilə bilməz.
Bölmənin digər xəbərləri
