“Könüllülər koalisiyası” üzvlərinin növbəti görüşü avqustun 24-də olacaq
Berlin, 21 avqust, AZƏRTAC
Ukraynaya dəstək məqsədilə yaradılmış “Könüllülər koalisiyası”nın üzvləri avqustun 24-də yenidən görüşəcəklər.
AZƏRTAC Almaniyanın “Rheinische Post” qəzetinə istinadla bildirir ki, Almaniya Kansleri Fridrix Merts, Fransa Prezidenti Emmanuel Makron və Böyük Britaniyanın yeni Baş naziri Endi Börnham Ukraynaya gələcək dəstək tədbirlərini müzakirə etmək üçün görüşə birgə ev sahibliyi edəcəklər. NATO görüşdə Baş katibin müavini Radmila Şekerinskanın videobağlantı vasitəsilə iştirakı ilə təmsil olunacaq. Görüşün yeri barədə hələlik məlumat verilməyib.
Görüşdə Ukraynaya hərbi və digər dəstəyin davam etdirilməsi məsələləri ətrafında fikir mübadiləsi aparılacaq.
“Könüllülər koalisiyası” Ukraynanın dəstəklənməsi məqsədilə Fransa və Böyük Britaniyanın təşəbbüsü ilə yaradılıb. Təşəbbüs Donald Trampın Amerika Birləşmiş Ştatlarının Prezidenti seçilməsindən sonra ilkin mərhələdə Ukraynadan uzaqlaşması fonunda irəli sürülüb. Hazırda koalisiyaya əsasən Avropa ölkələrindən olmaqla 37 dövlət daxildir. Koalisiyanın dövlət və hökumət başçılarının sonuncu görüşü iyulun ortalarında Parisdə keçirilib.
Bölmənin digər xəbərləri
