Körfəz ölkələrində COVID-19-a yoluxanların sayı artır
Qahirə, 19 iyun, AZƏRTAC
Körfəz ölkələrində COVID-19-a yoluxanların sayı artmaqda davam edir.
AZƏRTAC xəbər verir ki, son sutka ərzində ən çox yoluxma Səudiyyə Ərəbistanında qeyd alınıb. Krallığın Səhiyyə Nazirliyinin məlumatına görə, daha 4757 nəfər yeni növ koronavirusa yoluxub, xəstələrin ümumi sayı isə 146 min nəfərə yaxındır. Bundan başqa, 48 pasiyent vəfat edib və COVID-19 qurbanlarının ümumi sayı 1139 nəfərə çatıb.
Son sutka ərzində Birləşmiş Ərəb Əmirliklərində COVID-19-a 393 nəfər yoluxub, xəstələrin ümumi sayı isə 45 minə yaxındır. BƏƏ Səhiyyə Nazirliyi daha 3 pasiyentin vəfat etdiyini, həyatını itirənlərin sayının 300 nəfərə çatdığını bildirib.
Oman Səhiyyə Nazirliyi son sutka ərzində COVID-19-a 852 nəfərin yoluxduğu, 6 pasiyentin isə vəfat etdiyi barədə məlumat yayıb. İndiyədək bu ölkədə 28 min yoluxma, 125 ölüm qeydə alınıb.
Qətər Səhiyyə Nazirliyinin məlumatında isə son sutka ərzində yeni növ koronavirusa 1267 nəfərin yoluxduğu, 4 pasiyentin vəfat etdiyi bildirilib. Bu ölkədə COVID-19-a yoluxanların sayı 85 min nəfərə çatıb, 80 pasiyent isə vəfat edib.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
