Kubanda PUA hücumu nəticəsində həlak olanların sayı altıya çatıb
Moskva, 3 avqust, AZƏRTAC
Rusiyanın Krasnodar diyarının Gelencik şəhərindəki çimərliyə pilotsuz uçuş aparatının (PUA) hücumu nəticəsində həlak olanların sayı altıya çatıb. Ölənlər arasında üç uşaq da var.
AZƏRTAC xəbər verir ki, bu barədə regionun hakimiyyət orqanları məlumat yayıb.
Hadisə nəticəsində 47 nəfər xəsarət alıb. Onlardan ikisi uşaq olmaqla, 17 nəfəri xəstəxanaya yerləşdirilib. Yaralılar Gelencik, Tuapse bələdiyyə dairəsi və Qoryaçıy Klyuç şəhərlərindəki tibb müəssisələrinə çatdırılıblar.
Rusiya Səhiyyə Nazirliyinin məlumatına əsasən, zərərçəkənlərdən dördünün vəziyyəti ağır qiymətləndirilir. Onlardan ikisi uşaqdır.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
