KÜRDƏMİRDƏ İLİN ÜÇ AYI ƏRZİNDƏ 205 NƏFƏR DAİMİ İŞLƏ TƏMİN OLUNMUŞDUR
Kürdəmir rayonunda təzə istehsal və emal müəssisələrinin, xidmət obyektlərinin açılması, yeni təşkilatların fəaliyyətə başlaması hesabına son üç ayda 205 nəfərin daimi məşğulluğu təmin edilmişdir. Rayon icra hakimiyyətində AZƏRTAC-ın müxbirinə bildirmişlər ki, təkcə “Kürdəmir taxıl” ATSC-nin tikdiyi və artıq birinci xəttinin işə salındığı, gündəlik istehsal gücü 280 ton olan dəyirmanda isə götürülənlərin sayı 120 nəfərə çatmışdır. Bundan başqa, dövlət idarə, müəssisə və təşkilatlarında 85 nəfər işlə təmin edilmişdir.
İlin sonunadək rayonun daha 520 sakini daimi iş yeri tapacaqdır. Bunlardan 130 nəfəri dövlət, 390 nəfər isə özəl sektorda işləyəcəklər.
Bölmənin digər xəbərləri
