KÜVEYTDƏ İSLAM İNKİŞAF BANKININ İLLİK TOPLANTISI KEÇİRİLƏCƏKDİR
İqtisadi inkişaf naziri Heydər Babayevin rəhbərliyi ilə nümayəndə heyətinin də iştirak edəcəyi tədbirdə İİB-nin Azərbaycanda həyata keçirdiyi layihələr, ikitərəfli əməkdaşlığın daha da genişləndirilməsi istiqamətindəki işlərə, yeni perspektiv planlara dair müzakirələr aparılacaqdır.
Toplantıda İİB-yə üzv ölkələrin nümayəndələri, müxtəlif qurumların təmsilçiləri iştirak edəcəklər. İkigünlük tədbirdə bankın Direktorlar Şurası iclaslarının və seminarların keçirilməsi planlaşdırılmışdır.
Xatırladaq ki, Azərbaycan 1992-ci ildən İİB-nin üzvüdür və bank indiyədək ölkəmizdə həyata keçirilən layihələrə 140 milyon ABŞ dollarınadək vəsait ayırmışdır.
Bölmənin digər xəbərləri
